USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İctimai fəal Mayis Əliyev növbəti dəfə inzibati həbs edilib
İctimai fəal Mayis Əliyev 31 yanvar 2023-cü il tarixində paytaxtın Gənclik metrostansiyası qarşısında müxalif "Toplum TV" kanalına verdiyi açıqlamadan dərhal sonra polis tərəfindən saxlanılıb. Müsahibə zamanı Əliyev Azərbaycanda ailə hakimiyyəti və sistemli korrupsiya hallarını tənqid edib. Elə həmin anda Nərimanov Rayon Polis İdarəsinin əməkdaşları tərəfindən saxlanılaraq bölməyə aparılıb.
"Foto.info.az" xəbər verir ki, Mayis Əliyev İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni əmrinə tabe olmama) maddələri ilə təqsirli bilinib. Onun barəsində Nərimanov Rayon Məhkəməsinin 1 fevral 2023-cü il tarixli qərarı ilə 30 sutka müddətinə inzibati həbs cəzası tətbiq edilib.
Qeyd edək ki, bu, Mayis Əliyevin ilk dəfə inzibati qaydada həbs olunması deyil. O, daha əvvəl də ictimai-siyasi fəaliyyəti və hakimiyyətə yönəlik tənqidi mövqeyinə görə bir neçə dəfə saxlanılıb.
