USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Kərimli həbsdə 25 gün aclıq edən Əlzamin Salayevə müraciət edib
Əziz Əlizamin bəy, sənin necə mübariz, prinspial və cəsarətli insan olduğunu biz çox yaxşı bilirik. Onu da çox yaxşı bilirik ki, bu dəfə də şərlənərək həbs olunmusan və bu haqsızlıqla barışmadığın üçün həbs olunduğun gündən başlayaraq aclıq aksiyası keçirirsən.
Əlizamin bəy, 25 gün davam etdirdiyin aclıq aksiyasının orqanizmini üzməsi, səhhətinin pisləşməsi biz əqidə dostlarını çox narahat edir.
Biz cəbhəçilər bu qəddar rejimlə mübarizə yoluna çıxanda bilmişik ki, prinspial mübarizəmizə görə şərlənərək həbs oluna və başqa məhrumiyyətlərə məruz qala bilərik. Ancaq bu təhlükə bizləri durdura bilməyib. Mübarizə apardığımız, məhrumiyyətlər yaşadığımız illərdə hər zaman ona inanmışıq ki, sonda mütləq azadlıq və ədalət qalib gələcək. Ölkəmizdə azadlıq və ədalətin qalib gəlməsini sürətləndirmək üçün sənin kimi cəsur, mübariz insanlar yaşamalıdır və çox olmalıdır. Həm də xalqımızın repressiv rejim üzərində qələbəsinə töhvə verə bilmək üçün aclığı dayandırıb, yaşamalısan. Sənin də, siyasi məhbus həyatı yaşayan digər cəbhəçi dostlarımızın da, bütün siyasi məhbusların da hüquqlarınızı sonadək müdafiə edəcəyik. Ardıcıl mübarizəmizin nəticəsində siz siyasi məhbuslar da, ölkəmiz də bir gün mütləq azadlığına qovuşacaq.
