Milli Şuranın sədri, professor Cəmil Həsənli

Əvvəldən demişdim “Siyasi partiyalar haqqında” yeni qanunun əsas hədəfi gerçək müxalifət partiyalarıdır. 5 minlik ryestrlə bağlı müxalif partiyalara göndərilən məktublar bunu açıq şəkildə ifadə edir. MSK-nın seçki nəticələri barədə məlumatları ilə Ədliyə Nazirliyinin ryestr “yoxlamaları” arasında mahiyyət fərqi yoxdur. Dünən həm Xalq Cəbhəsi, həm də Müsavat partiyalarına imzaların təftiş edilməsi barədə məktublar göndərilib.

Birincisi niyə 5 min partiya üzvlərinin siyahısını partiyada qalan nüsxəsini imzalamaqla kağız üzərində qəbul etmirlər. Şübhəsiz ki, kağız üzərində saxtakarlıq etməyin əlavə çətinlikləri var. Bunun əlavə səbəbləri də var. Sonradan bu məsələyə qayıdacağıq.

İkincisi, Xalq Cəbhəsi partiyası Ədliyyə nazirliyinə 5315 nəfər partiya üzvünün anket məlumatların və imzaların təqdim edib. Amma təftişdən sonra partiyaya göndərilən məlumatda qeyd edilir ki, ƏN-nə 5138 nəfər partiya üzvünün siyahısını vermisiniz. Göründüyü kimi siyahıda olan 177 nəfər partiya üzvü arada itib. Bunlar hara yox olub?

Üçüncüsü, ƏN-nin cavabında göstərilir ki, siyahıda göstərilən partiya üzvlərindən 3 nəfər ölüb. O, 3 nəfər “rəhmətliklər” kimlərdir? Nazirlik adlarını açıqlasa, biz də yaslarına gedərik.

Dördüncüsü, Ədliyyə Nazirliyinin məktubunda göstərilir ki, guya siyahıda göstərilənlərdən 119 nəfərin başqa partiyaların üzvüdür, 59 şəxs barədə məlumatların təkrarlanır. Bunlar kimlərdir? Əgər adları açıqlansa cəmiyyətə də, Partiya rəhbərliyinə də “özgələr” və “təkrarlar” aydınlaşar. 609 nəfərin AXCP üzvü olmadıqlarını bildirməsi də inandırıcı deyil, çünki siyahıda adı göstərilən, imzası, anket məlumatları olan cəbhəçilərin hamısı ilə fərdi qaydada söhbət edilib.

Beşincisi, nazirlik qeyd edir ki, reyestrə daxil edilmiş 2497 nəfər barədə məlumatlar (ad, soyad, ata adı, doğulduğu tarix) düzgün göstərilmədiyindən dəqiqləşdirilməlidir. Əbəttə 5-10 nəfərin anket məlumatlarında texniki qeyri-dəqiqliklər ola bilər. Axı hər kəsin məlumatı dövlət orqanları tərəfindən verilmiş şəxsiyyət vəsiqələri əsasında doldurulub. Necə ola bilər ki, siyahıda adları göstərilən partiya üzvlərinin yarıya qədərinin məlumatları düz olmasın? 2497 partiya üzvlərinin anket məlumatlarındakı səhvlər havadan götürülməyib ki? Kimlərdir bunlar? Doğrudan da nazirlik bunları dəqiqləşdiribsə, onların adlarını, anket məlumatlarındakı səhvləri açıqlasın və partiyada bilsin ki, kimlərin məlumatlarındakı “səhvlər” düzəldilməlidir. Yəni ƏN səhvləri mücərrəd yox, dəqiq və ünvanlı göstərməlidir.

Xalq Cəbhəsi kütləvi partiadır. Əgər nazirlik istəsə, siyahıda adalrı keçən partiya üzvlərinin hamısını Xalq Cəbhəsi ƏN-nin qarşısına gətirər. Son 5 ildə Xalq Cəbhəsinin nazirliyin tabeçiliyində olan cəzaçəkmə müəssisələrindən keçən cəbhəçilərin sayı 5 mindən çoxdur. Əgər Nazirlik Xalq Cəbhəsini ryestrə salmasa, onda kərək təkpartiyalı sistemə keçsin. Çünki Cəbhənin alınmadığı ryestrdə bu ölkədə hansı partiya ryestrdən keçə bilər? Axı, hakimiyyətin qanadı altına sığınmış çib partiyalarının hamısı birlikdə Xalq Cəbhəsinin bir rayon təşkilatı boyda deyil.