“Atamın dərmanlarını tapıb alanda elə sevinirdim ki, sanki əllərimdəki dərman deyil, bir çuval qızıl idi”

Böyük Britaniyanın "The Guardian" qəzeti “Həbs olunmuş LSE professorunun səhhəti təhlükədədir” başlığı altında saxta ittihamlarla həbs olunmuş dünya şöhrətli azərbaycanlı professor Qubad İbadoğlu haqqında geniş məqalə dərc edib. Məqalədə Qubad İbadoğlunun həbs olunması, saxlanma vəziyyəti, səhhəti, ona qarşı irəli sürülən saxta ittihamlar, Azərbaycanda insan haqlarının dözülməz vəziyyəti haqqında məlumat verilib, professorun oğlu İbad Bayramovun, “Amnesty International” və London İqtisad Məktəbinin nümayəndələrinin məsələ ilə bağlı fikirlərindən istifadə olunub.


MƏQALƏNİN XÜLASƏSİ

Müəllif:
- Qubad ibadoğlu həbs olunanadək Azərbaycaınn rəhbər elitasını dövlət korrupsiyasında ittiham edib. O, ABŞ və Avropanın nüfuzlu universitetlərində 10 ilə yaxın iqtisadçı professor kimi fəaliyyət göstərib.

- Son illər Avropa İnsan Haqları Məhkəməsi Azərbaycanda hakimiyyət tənqidçilərinin həbs olunması ilə bağlı həyəcanverici tendensiya aşkara çıxarıb. Müstəqil təşkilatların hesablamalarına görə, ölkədə jurnalistlərin, fəalların və müxalifətçilərin daxil olduğu 200-dən çox siyasi məhbus var.

- Rusiya Ukraynaya hücum edəndə Avropa Birliyi var gücü ilə çalışdı ki, özünü Rusiyanın olmadığı enerji mənbələri ilə təmin etsin. Bu da insan haqları ilə məşğul olan qruplar tərəfindən çox kəskin qarşılandı ki, siz necə insan haqlarının kobud şəkildə pozulduğu neft ölkəsini “vacib” və “etibarlı” tərəfdaş adlandırırsınız.
- Cümə axşamı Avropa Parlamenti Azərbaycanda insan haqlarının pozulması faktını qınayan və Qubad İbadoğlunun həbsdən azad olunmasını tələb edən qətnamə qəbul etdi.

- Bu həftə deputat Ceremi Korbin Nümyəndələr Palatasında professor Qubad İbadoğlunun məsələsini qaldırıb və hökumətdən onun azad olunmasını və dərmanlarla təminatının həllini xahiş etdi.

İbad Bayramov:
- Londona gələndə atamın dərmanlarını tapıb aldım. Elə sevinirdim ki, sanki əllərimdəki dərman deyil, bir çuval qızıl idi.

- İnsanın hüquqları alçaldıla bilməz. O satılmır.

“Amnesty International”ın nümayəndəsi Natalya Nozadze:

- Professor Qubad İbadoğlunun saxta ittihamlarla həbsi Azərbaycan hakimiyyətinin hüquq-mühafizə və məhkəmə hakimiyyətindən susi-istifadə etməsinin və ölkədə dinc tənqidin və fərqli düşüncənin qarşısını kobud şəkildə almasının bir nümunəsidir.

- Qubad İbadoğlu dərhal azad olunmalı və ona qarşı qeyri-insani rəftar edənlər cinayət məsuliyyətinə cəlb olunmalıdırlar.

London İqtisad Məktəbi (LSE):
- Biz professorumuzun həbsindən dərin narahatlıq hissi keçirir və onun dərhal azad edilməsinə cağırırıq.