USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İcra məmurunun oğlu AYNA-nın 1,7 milyon manatlıq tenderini qazandı
Azərbaycan Yerüstü Nəqliyyat Agentliyi (AYNA) Bakı şəhərində yeni dayanacaq pavilyonlarının quraşdırılması üçün tenderin nəticəsini açıqlayıb. Dövlət satınalmalarının vahid internet portalında dərc olunmuş məlumata əsasən, bu işləri həyata keçirmək üçün “SMCS” MMC ilə 1 milyon 744 min 985 manat dəyərində müqavilə imzalanıb.
Müqaviləyə əsasən, “SMCS” MMC Bakının küçə və prospektlərində sərnişinlərin avtobus gözləmələri üçün dayanacaq pavilyonlarının quraşdırılması işlərini icra edəcək.
Şirkətin qanuni təmsilçisi hazırda Cəfərov Mübariz Məhərrəm oğludur. Lakin şirkətin təsisçisi və əvvəlki rəhbəri Ehtiram Etibar oğlu Heydərlidir. Məlumat üçün qeyd edək ki, Ehtiram Heydərli Siyəzən Rayon İcra Hakimiyyətində Sosial-iqtisadi inkişafın təhlili və proqnozlaşdırılması şöbəsinin müdir müavini Etibar Heydərovun oğludur.
Tenderin nəticəsi və qalib şirkətin kimliyi ictimaiyyətin diqqətini çəkib.
