USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Jurnalist Ülviyyə Əli: “Zorakılıq şikayətim araşdırılmadan əvvəl standartlar pozulub”
“Meydan TV işi” üzrə həbs edilən jurnalist Ülviyyə Əli Bakı İstintaq Təcridxanasından məktub göndərərək polis zorakılığına məruz qalması barədə şikayətinə araşdırmaların ciddi pozuntularla aparıldığını bildirib.
O qeyd edib ki, mayın 7-də Bakı Şəhər Baş Polis İdarəsində üç polis əməkdaşı tərəfindən fiziki zorakılığa və zorlama təhdidinə məruz qalıb. Bu barədə dərhal şikayət edilməsinə baxmayaraq, izahatı yalnız 23 gün sonra alınıb. Jurnalist bununla araşdırmalarda operativlik prinsipinin pozulduğunu vurğulayıb.
Əli onu da bildirib ki, ekspertiza üçün gətirilən mütəxəssis yalnız qeyd aparmaqla kifayətlənib, müasir tibbi yoxlamalar (MRT, KT və s.) isə həyata keçirilməyib.
O, “Yoldaş Media”nın təsisçisi Əhməd Məmmədlinin də polis zorakılığına məruz qaldığını və zorakılıq izləri hələ də görünənə qədər müayinə və araşdırmaların gecikdirildiyini deyib.
Ülviyyə Əli hesab edir ki, bu hallar Azərbaycanda polis zorakılığının sistematik xarakter daşıdığını və hüquqların ciddi şəkildə pozulduğunu göstərir: “Biz zorakılığı ictimailəşdirə bilirik. Bəs, mediaya çıxışı olmayan saysız insanlar necə?” — deyə o yazıb.
