USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nazirlik 141 nəfərin diplomunu tanımadı
Təhsildə Keyfiyyət Təminatı Agentliyi (TKTA) oktyabr ayı üzrə xaricdə ali təhsil almış şəxslərin diplomlarının tanınması ilə bağlı nəticələri açıqlayıb.
Məlumata görə, 467 müraciətçi arasında 326 nəfərin diplomu tanınıb və onlara şəhadətnamə təqdim edilib, 141 nəfərin müraciəti isə mənfi qərarla yekunlaşıb.
Agentlikdən bildirilib ki, mənfi qərarların əsas səbəbləri arasında:
• 58 halda tədris yükünün tələb olunan normativdən az olması,
• 57 halda əhəmiyyətli fərq (kredit sayı),
• 11 halda həm tədris yükü azlığı, həm də kredit fərqi,
• 5 halda akkreditasiyasız ali təhsil müəssisəsində təhsil,
• 4 halda təhsilalma formasının uyğun olmaması,
• 2 halda isə saxta (autentik olmayan) diplomun təqdim edilməsi olub.
Həmçinin bəzi müraciətlərdə ixtisas uyğunsuzluğu və bakalavr diplomu üzrə imtina halları da qeyd olunub.
Ölkələr üzrə müraciətlərin çoxu Türkiyə (153), Rusiya (132) və Ukrayna (93) universitetlərindən daxil olub. Digər müraciətlər Birləşmiş Krallıq (19), Gürcüstan (15), Polşa (13), Belarus (7), Almaniya (6), ABŞ (4), İtaliya (4), Macarıstan (4), Latviya (3), Niderland (3) və bir sıra digər ölkələrdən gəlib.
Ən çox müraciət edilən ixtisaslar isə iqtisadiyyat (48), menecment (42), maliyyə (35), biznesin idarə edilməsi (34) və hüquqşünaslıq (24) olub.
