Mayın 18-də axşam saatlarında Lənkəran rayonunun müxtəlif ərazilərində baş verən iki ayrı-ayrı yol-nəqliyyat hadisəsi nəticəsində ümumilikdə 10 nəfər müxtəlif dərəcəli bədən xəsarətləri alıb. Yaralıların 5-i bir ailənin üzvləridir.

Lənkəran Rayon Mərkəzi Xəstəxanasının İctimaiyyətlə əlaqələr üzrə mütəxəssisi Zamin Rzayevin verdiyi məlumata görə, ilk qəza saat 17:05 radələrində rayonun Gərmətük qəsəbəsi ərazisində baş verib. Qəza nəticəsində 5 nəfər – 2 kişi, 1 qadın və 2 azyaşlı – müxtəlif dərəcəli travmalarla xəstəxananın Təcili yardım şöbəsinə hospitalizasiya olunub.

İkinci yol-nəqliyyat hadisəsi isə saat 17:55 radələrində şəhərin Heydər Əliyev prospektində, Azriba deyilən ərazidə qeydə alınıb. Bu qəza nəticəsində də 5 nəfər – 3 kişi və 2 qadın – xəsarət alaraq xəstəxanaya yerləşdirilib.

Qəzalar zamanı “Toyota RAV4”, “Lada Granada”, “VAZ-2106”, “Nissan” və “Mercedes” markalı sərnişin mikroavtobusu iştirak edib.

Xəstəxanadan verilən məlumata görə, yaralıların hər birinə zəruri ilkin tibbi yardım göstərilib, müalicələri davam etdirilir. Onların vəziyyəti əsasən qənaətbəxş və orta-ağır dəyərləndirilir.

Qəzalarda xəsarət alan şəxslərin adları:
1. Asim Cavid oğlu Nəcəfov, 2000-ci il təvəllüdlü
2. Elnaz Əli qızı Nəcəfova, 2004-cü il təvəllüdlü
3. Ağa Cavid oğlu Nəcəfov, 2003-cü il təvəllüdlü
4. Z. Nəcəfova, 2016-cı il təvəllüdlü
5. R. Nəcəfova, 2024-cü il təvəllüdlü
6. Rahid Baladadaş oğlu Əskərov, 1977-ci il təvəllüdlü
7. Zeynalabdin Nahid oğlu Əliyev, Masallı rayonu Həsənli kənd sakini, 2004-cü il təvəllüdlü
8. Ramilə Ramil qızı Rüstəmova, Masallı rayonu Sığıncaq kənd sakini, 2004-cü il təvəllüdlü
9. Mənsurə Eldəniz qızı Zahidova, Masallı rayonu Sığıncaq kənd sakini, 2005-ci il təvəllüdlü
10. Murad Rövşən oğlu Əzizov, Masallı rayonu Bədəlan kənd sakini, 1994-cü il təvəllüdlü

Faktla bağlı araşdırma aparılır.