USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Yekaterinburqda Şahin Şıxlinski və oğluna uzunmüddətli həbs cəzası verildi
Rusiyanın Yekaterinburg şəhərində fəaliyyət göstərən Azərbaycan diasporunun rəhbəri Şahin Şıxlinski və oğlu Mutvalı Şıxlinski barədə məhkəmə hökmü çıxarılıb.
Kirovski Rayon Məhkəməsinin qərarına əsasən, ata 9 il, oğlu isə 8 il müddətinə azadlıqdan məhrum edilib. Onlar hakimiyyət nümayəndəsinə qarşı zorakılıq tətbiq etməkdə təqsirli biliniblər.
Qeyd edək ki, Şahin Şıxlinski bundan əvvəl başqa bir cinayət işi üzrə sifarişli qətldə təqsirli bilinərək 22 il həbs cəzası almışdı. Məhkəmə cəzaları birləşdirərək ona ümumilikdə 24 il həbs cəzası təyin edib.
Hadisə ötən il iyulun 1-də Rusiya Federal Təhlükəsizlik Xidmətinin (FSB) əməkdaşlarının Şıxlinskilərin olduğu avtomobilə müdaxiləsi zamanı baş verib. Bildirilir ki, bu zaman Mutvalı Şıxlinski idarə etdiyi avtomobillə FSB əməkdaşını vurub. O, məhkəmədə peşman olduğunu və hadisəni qəsdən törətmədiyini deyib.
Bundan əvvəl isə iyunun 27-də FSB Yekaterinburqda yaşayan Səfərov qardaşlarının evində əməliyyat keçirib. Saxlanılan Ziyəddin Səfərov və Hüseyn Səfərov sonradan aldıqları xəsarətlərdən həyatını itirib. Digər şəxslər isə müxtəlif illərdə törədilmiş cinayətlər üzrə həbs ediliblər.
Baş verən hadisələr Azerbaijan və Russia arasında münasibətlərin gərginləşməsinə səbəb olub. Bundan sonra Bakıda yaşayan bir neçə Rusiya vətəndaşı narkotik ittihamı ilə həbs edilib və onların məhkəmə prosesi hazırda davam edir.
