USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ermənistanda parlament seçkiləri başlayıb
Ermənistanda iyunun 7-də parlament seçkiləri üzrə səsvermə prosesi start götürüb.
Yerli vaxtla saat 08:00-da ölkə üzrə 2500 seçki məntəqəsi fəaliyyətə başlayıb. Ermənistan qanunvericiliyinə əsasən, xaricdə seçki məntəqələri açılmadığından vətəndaşlar yalnız ölkə ərazisində səs verə bilirlər.
Ermənistanın Mərkəzi Seçki Komissiyasının məlumatına görə, seçkilərdə iştirak üçün 16 siyasi partiya və 2 seçki bloku qeydiyyatdan keçib. Rəsmi statistikaya əsasən, təxminən 2,5 milyon seçici səsvermə hüququna malikdir.
Yeni Seçki Məcəlləsinə uyğun olaraq, seçkilərin etibarlı hesab edilməsi üçün minimum iştirak həddi nəzərdə tutulmayıb. Bu səbəbdən seçkilər seçici fəallığından asılı olmayaraq baş tutmuş sayılacaq.
Seçicilərə üzərində siyasi partiya və ya blokun adı göstərilən 18 bülleten təqdim olunur və onlar yalnız bir bülleteni seçki qutusuna atmalıdırlar.
Səsvermənin saat 20:00-da başa çatacağı gözlənilir. İlkin nəticələrin ertəsi gün, yekun nəticələrin isə qanunvericiliyə uyğun olaraq ən geci yeddi gün ərzində açıqlanacağı bildirilir.
Bu seçkilər Ermənistanın daxili siyasi kursunun və gələcək hökumət tərkibinin müəyyənləşdirilməsi baxımından mühüm əhəmiyyət daşıyır.
