USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ermənistanda parlament seçkilərində səsvermə başa çatıb
Ermənistanda Milli Məclisə keçirilən növbəti parlament seçkilərində səsvermə prosesi başa çatıb. Yerli vaxtla saat 20:00-da ölkə üzrə seçki məntəqələri bağlanıb və səslərin hesablanmasına başlanılıb.
Mərkəzi Seçki Komissiyasının məlumatına görə, saat 21:00-da seçici fəallığı ilə bağlı yekun göstəricilər açıqlanacaq. Seçkilərin ilkin nəticələrinin isə gecə saatlarından etibarən onlayn qaydada dərc olunmasına başlanacağı gözlənilir.
İyunun 7-də keçirilən seçkilərdə ümumilikdə 18 siyasi qüvvə – 16 partiya və 2 siyasi blok iştirak edib. Səsvermə hüququna malik vətəndaşların sayı 2 milyon 485 min 851 nəfər təşkil edib.
Ermənistan parlamenti proporsional seçki sistemi əsasında formalaşdırılır. Bu sistemə görə deputatlar yalnız partiya siyahıları üzrə seçilir.
Parlamentə düşmək üçün partiyalar minimum 4 faiz, siyasi bloklar isə 8 faiz səs toplamalıdır. Seçki nəticələri hesablanarkən etibarsız və qəsdən korlanmış bülletenlər nəzərə alınmır. Faiz göstəriciləri yalnız etibarlı səslər əsasında müəyyən edilir.
Hazırda ölkə üzrə seçki məntəqələrində səslərin sayılması prosesi davam edir. Yekun nəticələrin yaxın saatlarda mərhələli şəkildə açıqlanması gözlənilir.
