Pakistanın Baş naziri Şahbaz Şərif regionda sülhün təmin olunması istiqamətində aparılan danışıqlarla bağlı mühüm açıqlama verib.

Baş nazir sosial şəbəkədə paylaşdığı bəyanatda bildirib ki, Pakistanın vasitəçilik səyləri nəticəsində tərəflər arasında sülh sazişinin yekun mətni razılaşdırılıb.

Şahbaz Şərif qeyd edib ki, prosesə mane olmağa çalışan qüvvələrin apardığı dezinformasiya kampaniyalarından xəbərdardırlar:

“Pakistanın davam edən intensiv vasitəçilik səyləri fonunda biz sülh sazişini baltalamaq istəyənlərin apardığı fasiləsiz dezinformasiya kampaniyasından tam xəbərdarıq. Bütün bu kənar küy və manipulyasiyaları bir kənara qoyaraq təsdiq edə bilərik ki, sülh sazişinin yekun, tərəflər arasında razılaşdırılmış mətni artıq əldə olunub”.

Pakistan hökumət başçısı bildirib ki, hazırda sənədin yekunlaşdırılması və növbəti mərhələlərin həyata keçirilməsi üçün hər iki tərəflə sıx əməkdaşlıq davam etdirilir.

Şərif vurğulayıb ki, bölgədə davamlı sülhə nail olmaq üçün diplomatik səylər intensiv şəkildə sürdürülür və hazırkı mərhələdə sülh perspektivi heç vaxt olmadığı qədər yaxındır.

“Sülh heç vaxt indiki qədər yaxın olmayıb”, – deyə Pakistanın Baş naziri bəyanatının sonunda qeyd edib.

Qeyd edək ki, son aylarda Azərbaycan və Ermənistan arasında sülh sazişi üzrə danışıqların yekun mərhələyə çatdığı barədə müxtəlif açıqlamalar səsləndirilir. Bununla belə, sazişin imzalanma tarixi və mərasimin keçiriləcəyi məkanla bağlı rəsmi məlumat hələ açıqlanmayıb.