USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qətər İrana 12 milyard dollarlıq maliyyə paketi təklif edib
Qətər İranla bağlı dondurulmuş aktivlərin taleyi ətrafında aparılan danışıqlarda Tehrana 12 milyard dollarlıq maliyyə paketi təklif edib.
Məlumata görə, danışıqlar ölkə banklarında saxlanılan və ümumilikdə 24 milyard dollar təşkil edən İran vəsaitlərinin blokdan çıxarılması ilə bağlı yaranmış dalanın həlli məqsədi daşıyır.
Təklifə əsasən, paketin 6 milyard dolları Qətərdə dondurulmuş İran aktivlərinin mərhələli şəkildə azad edilməsi hesabına formalaşdırılacaq. Digər 6 milyard dollar isə kredit və ya kredit xətti formasında təqdim edilə bilər.
Razılaşma çərçivəsində əvvəlki məhdudiyyətlərin qüvvədə qalacağı bildirilir. Belə ki, azad edilən vəsait yalnız 2023-cü ildə İran və ABŞ arasında əldə olunan razılaşmaya uyğun olaraq humanitar məqsədlər üçün istifadə oluna biləcək.
Eyni zamanda kredit xətti çərçivəsində təqdim ediləcək əlavə 6 milyard dolların İran tərəfindən daha sərbəst şəkildə istifadə edilə biləcəyi qeyd olunur.
