USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AEBA: “İranın nüvə obyektləri ABŞ zərbələrindən ciddi şəkildə zədələnib”
Atom Enerjisi üzrə Beynəlxalq Agentliyin (AEBA) baş direktoru Rafael Qrossi bildirib ki, ABŞ tərəfindən endirilən zərbələr nəticəsində İranın nüvə obyektləri ciddi şəkildə zədələnib.
Qrossi bu barədə “Fox News” telekanalına müsahibəsində danışıb. Onun sözlərinə görə, Natanz və İsfahan şəhərlərində yerləşən nüvə obyektləri böyük dağıntılara məruz qalıb.
“Biz üç əsas sahədə çox əhəmiyyətli dərəcədə ziyan görürük. İlk olaraq Natanz vuruldu və orada uranın zənginləşdirildiyi çox vacib zallardan birinə ciddi ziyan dəydi. Hətta onun yeraltı hissəsi də əvvəlcə dolayı, sonra isə birbaşa zədələnib”, – deyə Qrossi bildirib.
Baş direktor həmçinin İsfahanda yerləşən digər strateji obyektin də hədəfə alındığını qeyd edib:
“Bu kompleks bir neçə binanı əhatə edir və burada müxtəlif texnoloji işlər həyata keçirilir. Lakin həmin əraziyə də ciddi ziyan dəyib”.
Qrossi bildirib ki, AEBA vəziyyəti yaxından izləyir və zərbələrin İranın nüvə proqramının texniki infrastrukturuna təsirlərini qiymətləndirir.
Hazırda bu hadisə regionda gərginliyi daha da artırıb və beynəlxalq ictimaiyyət İranın nüvə obyektlərinə qarşı hücumların qlobal təhlükəsizlik və nüvə silahlarının yayılmaması baxımından yaratdığı riskləri ciddi şəkildə müzakirə edir.
