USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan və Almaniya arasında siyasi məsləhətləşmələrin növbəti raundu keçirilib
Berlin şəhərində Azərbaycan və Almaniya Xarici İşlər Nazirlikləri arasında siyasi məsləhətləşmələrin növbəti raundu baş tutub.
Azərbaycan nümayəndə heyətinə xarici işlər nazirinin müavini Fariz Rzayev, Almaniya heyətinə isə Almaniyanın XİN-də Şərqi Avropa, Qafqaz və Mərkəzi Asiya üzrə müvəkkili Konrad Arz von Straussenburq rəhbərlik edib.
Tərəflər ikitərəfli siyasi əlaqələrin cari durumu, enerji, nəqliyyat, iqtisadi və humanitar sahələrdə əməkdaşlıq, beynəlxalq təşkilatlar çərçivəsində əməkdaşlıq imkanlarını müzakirə ediblər. Həmçinin Azərbaycanın təşəbbüsü ilə həyata keçirilən regional layihələr, humanitar minatəmizləmə fəaliyyəti və işğaldan azad edilmiş ərazilərdə aparılan bərpa-quruculuq işləri barədə fikir mübadiləsi aparılıb.
Görüşdə Ermənistan-Azərbaycan normallaşma prosesi və bölgədə sülhün təmin olunması istiqamətində Azərbaycanın atdığı addımlar da diqqət mərkəzində olub.
Səfər çərçivəsində F.Rzayev Almaniyanın digər rəsmi nümayəndələri, eləcə də tanınmış beyin mərkəzlərinin təmsilçiləri ilə də görüşlər keçirib.
