USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanın bir neçə ölkədəki səfirləri və baş konsulu dəyişdirilib
Prezident İlham Əliyev bir sıra diplomatik təyinatlar və geri çağırışlar ilə bağlı Sərəncamlar imzalayıb.
• Gürsel Qüdrət oğlu İsmayılzadə Yaponiyada Azərbaycan Respublikasının fövqəladə və səlahiyyətli səfiri vəzifəsindən geri çağırılıb, yerinə Fərid Yunis oğlu Talıbov təyin edilib.
• Məmməd Afiq oğlu Talıbov Meksika Birləşmiş Ştatları, eyni zamanda Honduras, Kolumbiya, Kosta Rika, Qvatemala, Panama və Peru ölkələrində səfir vəzifəsindən geri çağırılıb. Onun yerinə Seymur Həbib oğlu Fətəliyev Meksikada fövqəladə və səlahiyyətli səfir təyin edilib.
• Eldar Nadir oğlu Səlimov İordaniyada səfir vəzifəsindən geri çağırılıb, o, İraqda Azərbaycan səfiri təyin olunub.
• Şahin Şakir oğlu Abdullayev Səudiyyə Ərəbistanı və Bəhreyn Krallığında, həmçinin İƏT yanında daimi nümayəndə vəzifələrindən geri çağırılıb, İordaniyada səfir vəzifəsinə təyin edilib.
• Mütəllim Sabir oğlu Mirzəyev Səudiyyə Ərəbistanında fövqəladə və səlahiyyətli səfir təyin olunub.
• Əliyənnağı Mehti oğlu Hüseynov İranın Təbriz şəhərində baş konsul vəzifəsindən geri çağırılıb, yerinə Taleh Balaşirin oğlu Zöhrabov təyin edilib.
Sərəncamlarla diplomatik korpusun yenidən tərkibi müəyyənləşdirilib.
