USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ermənistan və Aİ arasında viza liberallaşdırılması planı təqdim olunub
Ermənistanın daxili işlər naziri Arpine Sarkisyan noyabrın 5-də Avropa Komissiyasının miqrasiya və daxili işlər üzrə baş direktorunun müavini Yohannes Lüxner ilə görüş keçirib.
Ermənistan Daxili İşlər Nazirliyinin məlumatına görə, görüşün məqsədi Avropa İttifaqı–Ermənistan Viza Liberallaşdırılması üzrə Fəaliyyət Planının Ermənistan tərəfinə təqdimatı olub.
Nazir Arpine Sarkisyan bildirib ki, viza rejiminin sadələşdirilməsi Aİ ilə Ermənistan arasında etimad və əməkdaşlığın güclənməsinə xidmət edən mühüm mərhələdir. O vurğulayıb ki, təqdim edilən fəaliyyət planı ölkə vətəndaşlarının mobilliyini artırmaqla yanaşı, ictimai təhlükəsizlik sahəsində islahatların aparılması üçün də strateji sənəd hesab olunur.
Görüş zamanı planın əsas istiqamətləri ətrafında fikir mübadiləsi aparılıb. Avropa Komissiyasının rəsmisi Ermənistanın viza azadlığı istiqamətində atdığı addımları yüksək qiymətləndirib və prosesi səmərəli şəkildə əlaqələndirdiyinə görə nazirə təşəkkür edib.
Arpine Sarkisyan qeyd edib ki, Ermənistan hökuməti vətəndaşlara Avropa İttifaqına layiqli və asanlaşdırılmış səyahət imkanları yaratmaq üçün islahatların davam etdirilməsinə sadiqdir.
Hazırda Aİ yalnız Ermənistanla viza liberallaşdırılması dialoqu aparır.
