USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev: “Mərkəzdən sizə qanunsuz tapşırıq verilməyəcək”
“Qaldı ki, yerlərdə bu gün hələ də mövcud olan, insanları narahat edən məsələlər öz həllini tapsın. Burada da əsas prinsip sosial ədalət prinsipidir.”
Bunu Prezident İlham Əliyev Naxçıvanda Prezidentin yeni səlahiyyətli nümayəndəsini və bir sıra rayonların icra hakimiyyətlərinə təyin olunan başçıları qəbul edərkən deyib.
Dövlət başçısı qeyd edib ki, hər bir bölgədə və kənddə insanlar ədalətin hər zaman üstün olduğunu görməlidirlər:
“Vaxtilə bizim bölgələrimizdə proseslərin mənfi istiqamətdə getməsinin səbəbi də məhz mərkəzi icra orqanlarındakı bəzi məmurların xoşagəlməz hərəkətləri və tapşırıqları idi. Artıq o məmurlardan, necə deyərlər, əsər-əlamət qalmayıb.”
Prezident vurğulayıb ki, son illərdə məmur korpusunda aparılan kadr islahatları nəticəsində vəziyyət böyük dərəcədə sağlamlaşdırılıb:
“Ona görə mən tam əminəm ki, bundan sonra mərkəzdən sizə hansısa bir qanunsuz tapşırıq verilməyəcək. Vaxtilə belə hallar olub və bu qanunsuz tapşırıqları verən, qanunsuz varlanmanı özləri üçün əsas məqsəd hesab edən məmurlar bu gün məhkəmə qarşısında cavab verirlər.”
İlham Əliyev əlavə edib ki, icra başçıları xalqın inamını və etimadını qazanmalı, fəaliyyətlərində şəffaflıq və məsuliyyət prinsiplərinə əməl etməlidirlər.
