Nazir: “Növbədə olan bütün şəhid ailələri və müharibə əlilləri mənzillə təmin ediləcəklər”

Azərbaycanda mənzil növbəsində olan bütün şəhid ailələri və müharibə əlilləri mənzillə təmin olunacaqlar. Bu barədə əmək və əhalinin sosial müdafiəsi naziri Anar Əliyev Milli Məclisin 2026-cı il dövlət büdcəsinin müzakirəsi zamanı çıxışında bildirib.

Nazirin sözlərinə görə, şəhid ailələrinin və müharibə əlillərinin mənzil-məişət şəraitinin yaxşılaşdırılması məqsədilə iki proqram üzrə işlər davam edir və heç bir proqram dayandırılmayıb:

Nazirlik yeni tikilmiş binalardan mənzillərin alınması üçün tenderlər elan edir;
Bu günə qədər ümumilikdə 15.7 min mənzil və fərdi ev verilib;
2018–2025-ci illərdə 10 min mənzil və ev təqdim olunub;
Post-müharibə dövründə 6.9 min mənzil paylanıb;
Cari ildə isə 400-ə yaxın mənzilin alınması nəzərdə tutulur.

Anar Əliyev vurğulayıb ki, növbədə olan bütün şəxslər mərhələli şəkildə mənzillə təmin ediləcək.