USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AŞPA məruzəçisi Əli Kərimlinin həbsi ilə bağlı narahatlıq bildirib
Avropa Şurası Parlament Assambleyasının (AŞPA) siyasi məhbuslar üzrə baş məruzəçisi, isveçli deputat Azadə Rojhan Azərbaycan Xalq Cəbhəsi Partiyasının (AXCP) sədri Əli Kərimlinin həbsi ilə bağlı bəyanat yayıb.
AŞPA rəsmisi bildirib ki, Kərimlinin “hakimiyyəti zorla ələ keçirməyə cəhd” ittihamı ilə barəsində həbs-qətimkan tədbirinin seçilməsi onu dərin narahat edir. Onun sözlərinə görə, bu qərar Azərbaycanda siyasi plüralizmin daha da daralması ilə bağlı “narahatedici tendensiyanın” növbəti göstəricisidir.
Rojhan xatırladıb ki, Avropa İnsan Haqları Məhkəməsi daha əvvəl iki dəfə Əli Kərimlinin xeyrinə qərar çıxarıb və həmin qərarlarda siyasətçinin seçkidə iştirak etmək və sərbəst hərəkət etmək hüquqlarının pozulduğu müəyyən olunub.
Baş məruzəçi Azərbaycan hakimiyyətini AXCP sədrinə qarşı irəli sürülmüş ittihamları təcili şəkildə yenidən nəzərdən keçirməyə çağırıb. O həmçinin vurğulayıb ki, Əli Kərimlinin işi Avropa İnsan Hüquqları Konvensiyası çərçivəsində ölkənin üzərinə götürdüyü öhdəliklərə tam uyğun aparılmalıdır.
