USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Minimum əmək haqqı anlayışı dəyişdirildi
Qanunvericilikdə minimum əmək haqqı anlayışı təkmilləşdirilib. Bununla bağlı Prezident İlham Əliyev Əmək Məcəlləsində dəyişiklik edilməsi barədə Qanunu təsdiqləyib.
Dəyişikliklərə qədər minimum əmək haqqı qanunvericiliklə ixtisassız əməyə və xidmətə görə aylıq əməkhaqqının ən aşağı səviyyəsini müəyyən edən sosial normativ kimi qəbul edilirdi.
Yeni qanuna əsasən isə minimum əmək haqqı daha geniş meyarlar nəzərə alınmaqla müəyyən ediləcək. Belə ki, bu anlayış ölkədə iqtisadi inkişafın tələbləri, əmək məhsuldarlığı, aylıq orta əməkhaqqı, pul vahidinin alıcılıq qabiliyyəti, sosial müavinətlərin məbləği, əsas sosial-demoqrafik qruplar üzrə yaşayış minimumu səviyyəsi, məşğulluq səviyyəsinin yüksəldilməsi və saxlanılması kimi amillər əsasında formalaşacaq.
Qanunda qeyd olunur ki, minimum əmək haqqı işçilərin və onların ailələrinin tələbatına uyğun olaraq ixtisassız əməyə və xidmətə görə aylıq əməkhaqqının ən aşağı səviyyəsini müəyyən edən sosial normativ hesab ediləcək.
