USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Donald Trampa məktub ünvanlayıb
Azərbaycan Respublikasının Prezidenti İlham Əliyev Amerika Birləşmiş Ştatlarının Prezidenti Donald Trampa məktub göndərib.
Məktubda dövlətimizin başçısı Azərbaycan Respublikasının Sülh Şurasına təsisçi üzv dövlət qismində dəvət edilməsinə görə minnətdarlığını bildirib. Prezident İlham Əliyev bu dəvəti Azərbaycan ilə ABŞ arasında qarşılıqlı hörmətə əsaslanan faydalı tərəfdaşlığın, eləcə də ölkəmizin regional və qlobal miqyasda sülh və sabitliyin təşviqində oynadığı rolun tanınması kimi qiymətləndirib.
Dövlətimizin başçısı qeyd edib ki, Azərbaycan Respublikası Sülh Şurasına qoşulmaqla onun Qəzzadakı münaqişənin sonlandırılması və uzunmüddətli münaqişələrdən əziyyət çəkən bütün tərəflər üçün daha təhlükəsiz və rifahlı gələcəyin qurulması kimi nəcib missiyasını bölüşür.
Prezident İlham Əliyev Sülh Şurasının səmərəli beynəlxalq təşkilat olacağına və qarşıya qoyulan missiyanı uğurla yerinə yetirəcəyinə inamını ifadə edib.
Məktubun sonunda dövlətimizin başçısı Donald Trampın müdrik liderliyini və sülh quruculuğu səylərini yüksək qiymətləndirərək, ona Sülh Şurasının sədri vəzifəsində uğurlar arzulayıb.
