Ermənistan–Azərbaycan sərhədində hazırda sabit və sakit vəziyyət hökm sürür.

Ermənistanın Baş naziri Nikol Paşinyan bu barədə parlamentdə keçirilən hökumət saatı zamanı çıxış edib. Onun sözləri yerli televiziya kanalları vasitəsilə yayımlanıb.

Paşinyan bildirib ki, 21 yanvar 2026-cı il tarixinə olan vəziyyətə görə Ermənistan və Azərbaycan sərhədinin bütün perimetri boyunca gərginlik yoxdur:

“Demək istəyirəm ki, bu gün Ermənistan–Azərbaycan sərhədinin bütün xətti boyunca ideal sülh hökm sürür, ideal sülh”.

Baş nazir iki ölkə arasında mövcud qarşılıqlı ritorikaya da toxunaraq qeyd edib ki, bu açıqlamalar müəyyən müsbət dinamikanın formalaşdığını göstərir:

“İrəvan və Bakı arasında səslənən ritorika irəliləyişin ilk elementlərini nümayiş etdirir və mən bunu alqışlamaq istəyirəm”.

Paşinyanın bu açıqlaması regionda təhlükəsizlik və sülh gündəminin aktuallığı fonunda diqqət çəkib.