USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan Respublikasının Müdafiə Nazirliyi: “İranın hücum aktları cavabsız qalmayacaq”
Azərbaycan Respublikasının Müdafiə Nazirliyi İran ərazisindən pilotsuz uçuş aparatları ilə Azərbaycanın mülki infrastrukturlarına hücum edildiyini açıqlayıb.
Nazirliyin məlumatına görə, İran Silahlı Qüvvələri tərəfindən İran ərazisindən pilotsuz uçuş aparatları ilə Naxçıvan Muxtar Respublikasında yerləşən Naxçıvan Beynəlxalq Hava Limanına və digər mülki infrastrukturlara hücum aktları həyata keçirilib.
Bildirilib ki, pilotsuz uçuş aparatlarının texniki parametrləri və hücumların bütün təfərrüatları hazırda araşdırılır.
Nazirlik qeyd edib ki, hər hansı hərbi zərurət olmadığı halda mülki infrastruktura qarşı həyata keçirilən bu hücumlar qəti şəkildə pislənilir və baş vermiş hadisəyə görə məsuliyyət tam şəkildə İranın üzərinə düşür.
Açıqlamada vurğulanıb ki, Azərbaycanın ərazi bütövlüyünün və suverenliyinin müdafiəsi, həmçinin mülki şəxslərin və mülki infrastrukturun təhlükəsizliyinin təmin olunması üçün zəruri cavab tədbirləri hazırlanır və bu hücum aktları cavabsız qalmayacaq.
