USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanla Litva arasında dostluq əlaqələrinin inkişafı müzakirə olunub
Sahibə Qafarova aprelin 9-da ölkəmizdə rəsmi səfərdə olan İnqa Ruqiniene ilə görüşüb.
Bu barədə Azərbaycan Respublikasının Milli Məclisinin Mətbuat və ictimaiyyətlə əlaqələr şöbəsindən məlumat verilib.
Görüşdə Azərbaycan ilə Litva arasında mövcud dostluq münasibətləri və qarşılıqlı əməkdaşlığın inkişaf perspektivləri müzakirə olunub. Tərəflər ali və yüksək səviyyəli qarşılıqlı səfərlərin, eləcə də siyasi dialoqun əməkdaşlığın genişləndirilməsində mühüm rol oynadığını vurğulayıblar.
Humanitar sahədə əməkdaşlıqdan danışan Milli Məclisin sədri təhsil və mədəniyyət sahəsində əlaqələrin xalqlar arasında münasibətlərin dərinləşməsinə töhfə verdiyini bildirib. Qeyd olunub ki, hazırda Litva ali təhsil müəssisələrində çoxlu sayda azərbaycanlı tələbə təhsil alır və qarşılıqlı mədəni tədbirlər keçirilir.
Görüşdə parlamentlərarası əməkdaşlığın əhəmiyyəti də diqqətə çatdırılıb. Qarşılıqlı səfərlərin və parlamentlərarası işçi qruplarının fəaliyyətinin qanunverici orqanlar arasında dialoqun inkişafına töhfə verdiyi qeyd olunub. Profil komitələr arasında əməkdaşlığın daha da dərinləşdirilməsinin vacibliyi vurğulanıb.
Litvanın Baş naziri İnqa Ruqiniene ölkəsinin Azərbaycanla əlaqələrin inkişafına böyük önəm verdiyini bildirərək, iqtisadiyyat, humanitar, müdafiə və təhlükəsizlik sahələrində əməkdaşlıq üçün geniş imkanların mövcud olduğunu deyib. O, Litva parlamentində Azərbaycanla dostluq qrupunun üzvü olduğunu qeyd edərək, parlamentlərin ikitərəfli münasibətlərin inkişafında mühüm rol oynadığını vurğulayıb.
Görüşdən sonra qonaqlar Milli Məclisin plenar iclas zalı və parlamentin foyesində yaradılmış Zəfər Guşəsi ilə tanış olublar, sonda xatirə şəkli çəkdirilib.
