USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Elçin Əmirbəyov: “Regionda formalaşan sülh yeni əməkdaşlıq imkanları açır”
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov regionda yaranmış yeni geosiyasi şəraitin əhəmiyyətindən danışıb.
O, çıxışını Antalya Diplomatiya Forumu çərçivəsində “Bağlantıda yeni imkanlar” mövzusunda keçirilən panel iclasda edib.
Əmirbəyov bildirib ki, region uzun illər münaqişələr, bağlı sərhədlər və parçalanma ilə yadda qalıb. Lakin Azərbaycan öz ərazi bütövlüyünü və suverenliyini bərpa etdikdən sonra Ermənistanla faktiki sülh şəraitinin formalaşdığını qeyd edib.
Onun sözlərinə görə, bu yeni reallıq həm Azərbaycan və Ermənistan, həm də bütövlükdə region ölkələri üçün geniş əməkdaşlıq imkanları yaradır.
“Bu qarşılıqlı əlaqə və asılılıq sülh üçün ən yaxşı təminatlardan biridir. Bu, əsl ‘qazan-qazan’ vəziyyətidir”, – deyə Əmirbəyov vurğulayıb.
