USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ceyhun Bayramov iranlı həmkarı ilə regiondakı vəziyyəti müzakirə edib
Mayın 1-də Azərbaycanın xarici işlər naziri Ceyhun Bayramov ilə İranın xarici işlər naziri Seyid Abbas Əraqçi arasında telefon danışığı baş tutub.
Bu barədə Azərbaycan Xarici İşlər Nazirliyi məlumat yayıb.
Telefon danışığı zamanı Azərbaycan–İran ikitərəfli münasibətləri, eləcə də regiondakı mövcud vəziyyət ətrafında müzakirələr aparılıb. İranlı nazir ölkəsinin sülh təşəbbüsləri və bölgədə müharibə vəziyyətinin aradan qaldırılması istiqamətində mövqeyi barədə məlumat verib.
Tərəflər regionda sabitlik və təhlükəsizliyin təmin olunması, gərginliyin azaldılması üçün birgə səylərin vacibliyini vurğulayıblar.
Nazirlər, həmçinin qarşılıqlı maraq doğuran digər regional və beynəlxalq məsələlər barədə fikir mübadiləsi aparıblar.
