USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hikmət Hacıyev: “Azərbaycan bütün qonşularla dostluq münasibətləri qurub”
Hikmət Hacıyev Xankəndi şəhərində yerləşən Qarabağ Universitetində çıxış edib.
Prezidentin köməkçisi bildirib ki, Azərbaycan Ermənistan da daxil olmaqla bütün qonşu ölkələrlə dostluq münasibətlərinin qurulmasına və regional əməkdaşlığın inkişafına önəm verir.
Onun sözlərinə görə, Xankəndi hazırda yeni mərhələyə qədəm qoyaraq gənclər üçün mərkəzə çevrilir və Cənubi Qafqazın ən dinc şəhərlərindən biri kimi formalaşır.
Hikmət Hacıyev vurğulayıb ki, Qarabağ bölgəsi hazırda innovasiya, inkişaf, tikinti və bərpa prosesi ilə diqqət çəkir. O qeyd edib ki, son beş ildə Azərbaycan öz resursları hesabına münaqişədən sonrakı bərpanın həyata keçirildiyi nadir nümunələrdən birini reallaşdırır və ərazilərin yenidən qurulmasını demək olar ki, sıfırdan aparır.
