USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ceyhun Bayramov və Abbas Əraqçi Azərbaycan-İran münasibətlərini müzakirə ediblər
Azərbaycanın xarici işlər naziri Ceyhun Bayramov ilə İranın xarici işlər naziri Seyid Abbas Əraqçi arasında telefon danışığı baş tutub.
Azərbaycan Respublikasının Xarici İşlər Nazirliyinin məlumatına görə, söhbət zamanı Azərbaycan-İran ikitərəfli münasibətlərinin hazırkı vəziyyəti, əməkdaşlığın inkişaf perspektivləri, həmçinin regiondakı təhlükəsizlik məsələləri müzakirə olunub.
Telefon danışığında Abbas Əraqçi İran ətrafında davam edən beynəlxalq danışıqların gedişi və son vəziyyət barədə məlumat verib.
Ceyhun Bayramov isə regional sabitliyin və təhlükəsizliyin təmin olunması baxımından diplomatik səylərin vacibliyini vurğulayıb.
Nazirlər, eyni zamanda, ikitərəfli münasibətlərin gündəliyində duran digər məsələlər, regional proseslər və qarşılıqlı maraq doğuran mövzular ətrafında fikir mübadiləsi aparıblar.
Son aylarda Azərbaycan və İran arasında siyasi dialoqun intensivləşməsi fonunda keçirilən bu telefon danışığı iki ölkə arasında əməkdaşlıq gündəliyinin aktual məsələlərinin müzakirəsi baxımından əhəmiyyətli hesab olunur.
