USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İqbal Əbilovun Hüquqlarını Müdafiə Komitəsi Azərbaycanda bütün siyasi məhbusları azad etməyə çağırıb
Tədqiqatçı İbqal Əbilovun Hüquqlarını Müdafiə Komitəsi onu və Azərbaycandakı bütün siyasi məhbusları azad etməyə çağırıb və hakimiyyəti jurnalistlərə, fəallara və ziyalıların nümayəndələrinə qarşı sistemli repressiyalarda ittiham edib.
Komitə cümə axşamı dərc edilmiş bəyanatda iddia edir ki, hakimiyyət iyirmi ildən çoxdur söz azadlığını və vətəndaş azadlıqlarını pozur, insanları saxta ittihamlarla təqib edir.
Belə ki, gənc nəslin qorxudulması və fərqli düşüncənin boğulması üçün çox vaxt xarici qrantların alınması ittihamından istifadə olunur.
Bəyanatda təqsirsizlik prezumpsiyası pozulmaqla, saxlanılanların çox vaxt cinayətkar kimi qələmə verildiyi vurğulanır. Bu təcrübə həbs olunanlara qarşı ictimai etimada və onların nüfuzuna xələl gətirmək məqsədi daşıyır.
Siyasi məhbuslar arasında Belarus Dövlət Universitetinin gənc elmi əməkdaşı İqbal Əbilov da var. O, guya erməni kəşfiyyatı ilə əməkdaşlığa görə dövlətə xəyanət ittihamı ilə saxlanılıb. Komitə bu ittihamları təkzib edir, Əbilovun Uzaq Şərq, Rusiya, Türkiyə, İran, Azərbaycan və talış xalqının tarix və mədəniyyəti üzrə mütəxəssis olduğunu qeyd edir. Onun işi ədalətsiz olaraq siyasiləşdirilib.
Əbilov həmçinin talış dili, tarixi və mədəniyyətinə dair "Talış Milli Akademiyasının Xəbərləri" jurnalını dərc edirdi. Onun həbsi beynəlxalq təşkilatların tənqidinə və Azərbaycanda talış fəallara qarşı ayrı-seçkiliyə yol verilməsi haqqında iddialara səbəb olub.
Sonda Komitə Azərbaycan hakimiyyətini söz azadlığına qarşı repressiyalara son qoymağa və Əbilovu və digər siyasi məhbusları azad etməyə çağırıb.
