Baş Dövlət Yol Polisi İdarəsi (BDYPİ) sürücülərə sürət həddinin aşılması ilə bağlı rəsmi xəbərdarlıq yayıb.

Qurumun açıqlamasında bildirilir ki, yüksək sürət təkcə texniki göstərici deyil, eyni zamanda “həyatla ölüm arasındakı incə sərhəddir”.

BDYPİ sürücüləri bir daha diqqətli olmağa çağırıb:
• Sürət həddini aşmayın;
• Yol və hava şəraitinə uyğun hərəkət edin;
• Sükan arxasında məsuliyyətsizlik yalnız sürücünün deyil, avtomobildəki hər kəsin həyatını təhlükəyə atır.

Qurumun xəbərdarlığında xüsusilə vurğulanır:
“Yüksək sürətə yox demək – evə sağ qayıtmaq deməkdir.”

Qeyd edək ki, yay aylarında yollarda hərəkət intensivliyinin artması, eyni zamanda sürücülərin məsuliyyətsiz davranışları səbəbindən yol qəzaları və faciəvi hadisələrin sayı da artır. Yol polisi bu kimi halların qarşısını almaq üçün maarifləndirici tədbirləri davam etdirir.