USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xaçmazda Aşura günü könüllü qanvermə aksiyası keçirilib
Aşura günü münasibətilə Xaçmaz Rayon Mərkəzi Xəstəxanasında könüllü qanvermə aksiyası təşkil olunub. Aksiya çərçivəsində rayon sakinləri gün ərzində xəstəxanaya gələrək qan veriblər. Tədbir Azərbaycan Respublikası Səhiyyə Nazirliyi və Qafqaz Müsəlmanları İdarəsinin təşəbbüsü ilə təşkil edilib.
Aksiyada Xaçmaz Rayon İcra Hakimiyyətinin başçısı Elnur Rzayev, YAP Xaçmaz rayon təşkilatının sədri Məhəmməd Balaqadaşov, yerli hüquq-mühafizə orqanlarının rəhbərləri və digər ictimaiyyət nümayəndələri iştirak ediblər.
Qanvermə prosesi tibb heyətinin nəzarəti altında həyata keçirilib. Həkim-hematoloqlar tərəfindən donorların sağlamlıq vəziyyəti əvvəlcədən yoxlanılıb, hərtərəfli tibbi müayinədən sonra qan götürülüb.
Toplanan qan ehtiyatı laborator müayinədən keçiriləcək və talassemiya, hemofiliya, həmçinin digər qana ehtiyacı olan xəstələrin müalicəsində istifadə olunacaq.
Aksiya həm humanitar mahiyyəti, həm də Aşura gününün mənəvi dəyərləri ilə üst-üstə düşməsi baxımından yüksək qiymətləndirilib. Təşkilatçılar bu cür tədbirlərin mütəmadi olaraq davam etdiriləcəyini bildiriblər.
