USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zabitlərin dinc dövrdə həqiqi hərbi xidmət müddəti 6 ay azaldılacaq
Ehtiyatdan müddətli həqiqi hərbi xidmətə çağırılan və ya könüllü qoşulan zabitlərin dinc dövrdə həqiqi hərbi xidmət müddəti 6 ay azaldılacaq.
Bu məsələ Milli Məclisin Müdafiə, təhlükəsizlik və korrupsiyaya qarşı mübarizə komitəsinin noyabrın 12-də keçirilən iclasında müzakirəyə çıxarılan “Hərbi vəzifə və hərbi xidmət haqqında” qanuna dəyişiklik layihəsində əksini tapıb.
Hazırkı qanunvericiliyə əsasən, dinc dövrdə ehtiyatdan çağırılan və ya könüllü daxil olan zabitlər üçün xidmət müddəti 1 il 6 ay, bağlaşma (müqavilə) əsasında xidmət edən zabitlər üçün isə 3 ilədək müəyyən edilib.
Təklif edilən dəyişikliklərə görə:
• Ehtiyatdan müddətli həqiqi hərbi xidmətə çağırılan və ya bağlaşma əsasında könüllü daxil olan Azərbaycan vətəndaşları üçün xidmət müddəti 1 il,
• Bağlaşma əsasında könüllü xidmətə daxil olan əcnəbilər və vətəndaşlığı olmayan şəxslər üçün isə 3 ilədək olacaq.
