USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranlı rəsmilər ailə üzvləri üçün Fransa vizaları almağa cəhd ediblər
Son günlərdə yüksək vəzifəli iranlı rəsmilərin ailə üzvləri üçün Fransa vizaları almağa çalışdıqları bildirilir.
Bu barədə Fransanın “Le Figaro” qəzeti məlumat yayıb. İran–Fransa jurnalisti Emmanuel Rezavinin sözlərinə görə, son 24 saat ərzində islahatçı klana mənsub bir sıra nüfuzlu şəxslər, o cümlədən İran İslam Məclisinin sədri Parisdə fəaliyyət göstərən vəkil vasitəsilə qohumları üçün Fransa vizalarının rəsmiləşdirilməsinə cəhd ediblər.
Qəzet yazır ki, İranda daxili siyasi gərginliyin artdığı, eyni zamanda ölkənin beynəlxalq müstəvidə təzyiqlərlə üzləşdiyi bir dövrdə bu cür müraciətlərin edilməsi diqqət çəkir və qeyri-adi hal kimi qiymətləndirilir.
Məlumata görə, Fransaya yönəlik viza müraciətləri əsasən ailə üzvlərinin təhlükəsizliyinin təmin olunması ilə bağlı narahatlıqlarla əlaqələndirilir. Rəsmi Tehran isə məsələ ilə bağlı hələlik açıqlama verməyib.
