USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Binəqədidə oğurluq edən şəxslər saxlanılıb
Paytaxtın Binəqədi rayonunda oğurluq hadisələri ilə bağlı polisə müraciətlər daxil olub.
Daxili İşlər Nazirliyinin Mətbuat xidmətindən verilən məlumata görə, bir nəfər ona məxsus “VAZ-21011” markalı avtomobilin qaçırılması barədə hüquq-mühafizə orqanlarına məlumat verib. Polis əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən S.Sultanzadə saxlanılıb. Oğurlanan avtomobil tapılaraq sahibinə qaytarılıb.
Bundan əlavə, Binəqədi rayonu ərazisində motosiklet oğurluğu faktı ilə bağlı aparılan araşdırmalar zamanı bu əməli törətməkdə şübhəli bilinən İ.Cəfərov da polis əməkdaşları tərəfindən saxlanılıb.
Hər iki faktla bağlı araşdırmalar davam etdirilir.
