USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Apellyasiya Məhkəməsi Azər Qasımlının vəsatətlərini rədd edib
Bakı Apellyasiya Məhkəməsində Siyasi Menecment İnstitutunun həbsdə olan direktoru Azər Qasımlının işi üzrə növbəti məhkəmə iclası keçirilib.
Hakim Zəfər Əhmədovun sədrliyi ilə keçirilən prosesdə müdafiə tərəfi bir neçə vəsatətlə çıxış edib. Vəkil Rövşanə Rəhimli müvəkkilinin vəkillərin yanında əyləşməsinə icazə verilməsini xahiş edib və bu vəsatət təmin olunub.
Bununla yanaşı, müdafiə tərəfi məhkəmə istintaqının davam etdirilməsi, həmçinin A.Qasımlıya qarşı ittiham irəli sürən Qurbanəli Yusifovun keçmiş həyat yoldaşı Fərəhbanu Yusifovanın məhkəmədə dindirilməsi ilə bağlı vəsatətlər təqdim edib. Lakin məhkəmə bu vəsatətləri təmin etməyib.
Qeyd edək ki, A.Qasımlı daha əvvəl Bakı Ağır Cinayətlər Məhkəməsinin qərarı ilə 12 il müddətinə azadlıqdan məhrum edilib. O, Cinayət Məcəlləsinin 182.3.2-ci maddəsi (külli miqdarda əmlak əldə etmək məqsədilə hədə-qorxu ilə tələb etmə) ilə təqsirli bilinib.
Təqsirləndirilən şəxs ittihamları rədd edir və həbsinin siyasi motivli olduğunu bildirir. İstintaq materiallarında isə qeyd olunur ki, A.Qasımlı borc məsələsi ilə bağlı Qurbanəli Yusifovu hədələyib.
Məhkəmə baxışı davam edir.
