USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyəyə qaçan məktəb direktoru Azərbaycana gətirilir
Türkiyədə saxlanılan məktəb direktoru Sevinc Hüseynovanın Azərbaycana ekstradisiyası təmin edilib.
Azərbaycan Respublikasının Baş Prokurorluğunun vəsatəti əsasında Turkeynin səlahiyyətli orqanları onun təhvil verilməsi ilə bağlı qərar qəbul edib.
Məlumata görə, Sevinc Hüseynova Bakı şəhərinin Suraxanı rayonunda məktəb direktoru işlədiyi dövrdə qulluq mövqeyindən istifadə edərək dələduzluq yolu ilə bir neçə şəxsdən ümumilikdə 69 min manat pul vəsaitini ələ keçirməkdə şübhəli bilinir.
Bu səbəbdən onun barəsində dələduzluq və vəzifə səlahiyyətlərindən sui-istifadə maddələri ilə ittiham irəli sürülüb, istintaqdan yayındığı üçün beynəlxalq axtarış elan edilib. Keçirilən əməliyyat tədbirləri nəticəsində o, Türkiyə ərazisində saxlanılıb.
Hazırda Sevinc Hüseynovanın ölkəyə gətirilməsi istiqamətində Penitensiar Xidmət tərəfindən müvafiq tədbirlər görülür.
Bildirilib ki, axtarışda olan şəxslərin xaricdə müəyyən edilərək Azərbaycana gətirilməsi məqsədilə hüquq-mühafizə orqanları beynəlxalq tərəfdaşlarla, o cümlədən Interpol ilə əməkdaşlığı davam etdirir.
