USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Space TV”nin hesablarına 140 min dollarlıq həbs qoyulub
“Space TV” Müstəqil Televiziya və Radio Şirkətinin bank hesabları üzərinə 140 313,06 ABŞ dolları məbləğində həbs qoyulub.
Bakı Kommersiya Məhkəməsi “Xalq Bank”ın müvəqqəti təminat tədbirinin tətbiqi ilə bağlı müraciətini qismən təmin edib.
Məhkəmə materiallarına əsasən, 2021-ci ildə banka məxsus kredit müqaviləsi çərçivəsində “Space TV”yə illik 5 faizlə 60 ay müddətinə 235 min ABŞ dolları məbləğində kredit xətti açılıb.
Kredit öhdəliklərinin vaxtında yerinə yetirilməməsi nəticəsində şirkətin 118 380,87 ABŞ dolları əsas borc, 9 901,62 ABŞ dolları faiz və 12 030,57 ABŞ dolları penya olmaqla, ümumilikdə 140 313,06 ABŞ dolları borcunun yarandığı bildirilib.
Məhkəmənin qərarı ilə “Space TV”nin “Xalq Bank” istisna olmaqla, Azərbaycanda fəaliyyət göstərən digər banklardakı hesablarına borc məbləği həcmində həbs qoyulub.
Qərarda qeyd olunub ki, tətbiq edilən məhdudiyyət əməkhaqlarının, vergilərin, sosial ödənişlərin və digər zəruri ödənişlərin həyata keçirilməsinə mane olmayacaq.
