USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Toplum TV-nin jurnalisti Şahnaz Bəylərqızı da saxlanıldı
Jurnalist Şahnaz Bəylərqızının saxlanıldığı bildirilir. Onun yaşadığı mənzildə də axtarış aparılıb.
Yaxınlarının verdiyi məlumata görə, onun yaşadığı mənzildə də axtarış aparılıb.
Jurnalistin hansı cinayət işi və Cinayət Məcəlləsinin hansı maddəsi üzrə saxlanıldığı məlum deyil.
Şahnaz Bəylərqızının saxlanması ilə bağlı hüquq mühafizə orqanları hələlik açıqlama verməyib.
Bu gün daha bir jurnalist -“arqument.az” saytının baş redaktoru, Meydan TV ilə əməkdaşlıq edən jurnalist Şəmşad Ağayev (Ağa) saxlanılıb.
Şəmşad Ağa “Meydan TV işi” üzrə Cinayət Məcəlləsinin 206.3.2-ci (qaçaqmalçılıq — qabaqcadan əlbir olan bir qrup şəxs tərəfindən törədildikdə) maddəsi ilə şübhəli şəxs qismində saxlanılıb.
2023-cü ilin noyabrından bu yana Azərbaycanda 30-dan artıq jurnalist həbs olunub.
Onların arasında “Meydan TV”, “AbzasMedia”, “Toplum TV”, Kanal 13”, “meclis.info” “Xural TV” kimi tənqidçi media orqanlarının rəhbərləri və çoxsaylı əməkdaşları var.
Jurnalistlərə qarşı qaçaqmalçılıq ittihamı irəli sürülüb. Lakin onlar bu ittihamı rədd edir, jurnalist fəaliyyətlərinə, korrupsiya araşdırmalarına görə həbs olunduqlarını bildirirlər.
