İstanbul Baş Prokurorluğu İsrailin Baş naziri Binyamin Netanyahu da daxil olmaqla 37 nəfər barəsində “soyqırım” ittihamı ilə həbs qərarı çıxarıb.

Türkiyə mediasının məlumatına görə, qərar İsrailin Qəzza zolağında həyata keçirdiyi hərbi əməliyyatlar zamanı dinc əhaliyə qarşı törətdiyi kütləvi qətllərlə bağlı araşdırma çərçivəsində qəbul edilib.

İstintaq “soyqırım cinayəti törətmək, insanlığa qarşı cinayətlər və qəsdən adam öldürmək” maddələri üzrə aparılır.

Həbs qərarı siyahısında Netanyahu ilə yanaşı İsrailin müdafiə və təhlükəsizlik strukturlarının yüksək vəzifəli rəsmiləri də yer alır.

Prokurorluq bildirib ki, bu qərar beynəlxalq hüquq normalarına əsaslanır və İsrailin Qəzzada törətdiyi insanlıq əleyhinə cinayətlərə hüquqi qiymət verilməsi məqsədi daşıyır.