USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ərdoğan Zəfər Günü münasibətilə sabah Azərbaycana gələcək
Türkiyə Prezidenti Rəcəb Tayyib Ərdoğan noyabrın 8-də Azərbaycana səfər edəcək.
Bu barədə məlumatı Türkiyə Prezident Administrasiyasının İctimaiyyətlə Əlaqələr Departamentinin rəhbəri Burhanəddin Duran sosial media hesabında paylaşıb.
Onun sözlərinə görə, Türkiyə lideri Bakıda 8 Noyabr – Zəfər Günü münasibətilə təşkil olunacaq hərbi paradda iştirak edəcək:
“Prezidentimiz səfəri zamanı Azərbaycan Prezidenti İlham Əliyevlə birgə tədbirdə iştirak edəcək. Bundan başqa, səfər çərçivəsində Pakistanın Baş naziri Məhəmməd Şahbaz Şəriflə ikitərəfli, regional və qlobal məsələlər ətrafında danışıqlar aparılması da nəzərdə tutulub,” – deyə Burhanəddin Duran bildirib.
Qeyd edək ki, bu, Rəcəb Tayyib Ərdoğanın Zəfər Günü münasibətilə Azərbaycana etdiyi sayca üçüncü rəsmi səfəridir.
