USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyənin “C-130” hərbi təyyarəsi Azərbaycan sərhədindən 5 km aralıda qəzaya uğrayıb
Türkiyənin “C-130” tipli hərbi nəqliyyat təyyarəsi Gürcüstan ərazisində, Azərbaycanla sərhəddən cəmi 5 kilometr aralıda qəzaya uğrayıb.
Bu barədə məlumatı Gürcüstanın Daxili İşlər Nazirliyi yayıb. Bildirilib ki, hadisə Siqnaqi bələdiyyəsi ərazisində baş verib.
Qəza ilə bağlı araşdırmalara başlanılıb, istintaq Gürcüstan Cinayət Məcəlləsinin 275-ci maddəsinin 4-cü bəndi üzrə aparılır. Həmin maddə hava nəqliyyatı hərəkətinin və ya istismar qaydalarının pozulması nəticəsində insan ölümünə səbəb olma hallarını nəzərdə tutur.
Hadisənin dəqiq səbəbləri və təyyarədə olan hərbçilərin sayı barədə hələlik rəsmi məlumat açıqlanmayıb.
Türkiyənin daxili işlər naziri Ali Yerlikaya “X” hesabında bildirib ki, o, Gürcüstanın daxili işlər naziri Gela Geladze ilə telefonla danışıb. Yerlikayanın sözlərinə görə, Geladze hadisə yerinə yollanıb və qəzanın səbəblərinin aydınlaşdırılması istiqamətində araşdırmalar davam etdirilir.
