Dünən Qubad müəllim vəkili Bəhruz Bayramov vasitəsilə 27 sentyabr Anım günü münasibətilə Azərbaycan xalqına ünvanladığı mesajını göndərib. Mətni təqdim edirəm.
"Bu gün müqəddəs gündür!
27 sentyabr bizə xatırladır ki, Vətəni qorumaq və onu ən qiymətli əmanət kimi gələcək nəsillərə ötürmək hər birimizin vicdan borcudur.
Çünki Vətən hər şeydən öncə VARİSLİK hissidir!
Bu müqəddəs tarix bir də onu xatırladır ki, Vətən təkcə doğulduğun torpaq deyil, həm də aid olduğun torpaqdır və sən mütləq Vətən dediyin torpağın sahibi olmalısan!
Çünki Vətən həm də SAHİBLİK hissidir!
Çoxmillətli xalqımızın genində VARİSLİK VƏ SAHİBLİK hisslərini diri saxlamaq üçün canlarını fəda eləmiş şəhidlərimizin tutiya kimi göz üstündə tutulmalı müqəddəs xatirəsi önündə baş əyir, Vətən üçün oğul böyüdən cəfakeş valideynlərinə sonsuz hörmətimi ifadə edirəm.
Allah cəmi şəhidlərimizə rəhmət eləsin, qazilərimizi tezliklə sağlamlıqlarına qovuşdursun!"