USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İşdən çıxan polkovniklə bağlı maraqlı fakt: qardaşı oğlu 4 kq qızılla tutulmuşdu
Prezidentin Təhlükəsizlik Xidmətinin şöbə rəisi, polkovnik Abdulla Mirzəliyev işdən azad olunub.
A.Mirzəliyevin adı bir müddət əvvəl qalmaqallı hadisə ilə gündəmə gəlmişdi. Belə ki, polkovnikin qardaşı oğlu Əfsər Mirzəliyev 4 kiloqram qızılı ölkədən çıxarmaq istəyərkən Heydər Əliyev adına Beynəlxalq Hava Limanında Dövlət Gömrük Komitəsinin Əməliyyat İstintaq Baş İdarəsinin əməkdaşları tərəfindən saxlanılıb.
Əfsər Mirzəliyev Cinayət Məcəlləsinin 206.3.2 (qabaqcadan əlbir olan bir qrup şəxs tərəfindən qaçaqmalçılıq) və 206.3.3 (vəzifəli şəxs tərəfindən qulluq mövqeyindən istifadə etməklə qabaqcadan əlbir olan bir qrup şəxs tərəfindən qaçaqmalçılıq) maddələri ilə təqsirli bilinib. Bakı Ağır Cinayətlər Məhkəməsinin hökmü ilə o, 5 il müddətinə azadlıqdan məhrum edilib.
Qeyd edək ki, Əfsər Mirzəliyev özü də Dövlət Gömrük Komitəsinin əməkdaşı olub.
