USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
General-mayor Bəkir Orucovun həbsi qüvvədə saxlanıldı
“Tərtər işi” üzrə təqsirləndirilən general-mayor Bəkir Orucov və digər hərbçilər barəsində verilən hökmlə bağlı kassasiya şikayəti təmin edilməyib.
Bu barədə qərar noyabrın 6-da Ali Məhkəmədə hakim İlqar Qılıcovun sədrliyi ilə keçirilən prosesdə elan olunub. Qərara əsasən, birinci instansiya məhkəməsinin hökmü qüvvədə saxlanılıb.
Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi vəzifəsini icra edən Bəkir Orucov və digər şəxslər ötən il “Tərtər işi” ilə bağlı cinayət məsuliyyətinə cəlb olunublar.
Onlara qarşı Cinayət Məcəlləsinin bir neçə ağır maddəsi üzrə ittiham irəli sürülüb:
• 126.3 – Qəsdən sağlamlığa ağır zərər vurma (ölümə səbəb olduqda)
• 145.3 – Qanunsuz azadlıqdan məhrum etmə (ölümə səbəb olduqda)
• 293.2 – İşgəncə vermə (dövlət orqanının vəzifəli şəxsi tərəfindən)
• 329 – Tabelikdə olan hərbi qulluqçuya qarşı zorakı hərəkətlər
• 341.2.1 və 341.2.3 – Vəzifə səlahiyyətlərindən sui-istifadə etmə və ya onları aşma (ağır nəticələrə səbəb olduqda)
Bundan əlavə, təqsirləndirilən İntiqam Məmmədova qarşı 178-ci (dələduzluq) maddəsi ilə də ittiham irəli sürülüb.
Bakı Hərbi Məhkəməsinin hökmü ilə:
• Bəkir Orucov, Zaur Kazımov və Ülvi Rəşidov – 9 il 6 ay,
• İntiqam Məmmədov və Rövşən Məmmədov – 6 il 6 ay azadlıqdan məhrum ediliblər.
Daha sonra Bakı Apellyasiya Məhkəməsi Bəkir Orucovun cəzasını 6 il 6 aya endirib.
Ali Məhkəmənin son qərarı ilə bu hökm qanuni qüvvəsini saxlayıb, beləliklə, general-mayor Bəkir Orucovun həbsdə qalması təsdiqlənib.
