USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev: “Azərbaycan Ordusunun müasirləşdirilməsi prosesi davam edəcək”
Prezident İlham Əliyev bildirib ki, Azərbaycan ötən əsrin əvvəllərində müstəqilliyini qazandıqdan bəri əsas məqsədinə – torpaqların işğaldan azad olunmasına nail olub.
Dövlət başçısı bu fikri noyabrın 6-da Türkiyə, Yunanıstan, Macarıstan, Monteneqro, Niderland, Şimali Makedoniya, Norveç, Slovakiya, Sloveniya, İsveç, Çexiya, Portuqaliya və İspaniyanın NATO-dakı daimi nümayəndələrinin, həmçinin ABŞ və Fransanın NATO-dakı daimi nümayəndələrinin müavinlərinin daxil olduğu NATO nümayəndə heyəti ilə görüşdə səsləndirib.
Prezident İlham Əliyev Azərbaycan Ordusunun müasirləşdirilməsi prosesinin bundan sonra da davam etdiriləcəyini vurğulayıb.
Dövlət başçısı NATO mənzil-qərargahına səfərlərini xatırladaraq qeyd edib ki, Əfqanıstandakı əməliyyatlara dəstək Azərbaycan-NATO əməkdaşlığının vacib hissəsidir. Bununla yanaşı, regional inkişaf, enerji təhlükəsizliyi və digər sahələrdə əməkdaşlıq da gündəmdə qalır.
Prezident İlham Əliyev həmçinin bildirib ki, Azərbaycan Ordusu artıq NATO standartlarına uyğunlaşdırılıb və bu istiqamətdə Türkiyə ordusu ilə sıx əməkdaşlıq həyata keçirilir. Dövlət başçısı bu əməkdaşlığın Azərbaycanın hərbi potensialının daha da gücləndirilməsində mühüm rol oynadığını qeyd edib.
