USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qaradağ Rayon İcra Hakimiyyətində əməliyyat – İcra başçısının müavini həbs olundu
Baş Prokuror yanında Korrupsiyaya qarşı Mübarizə Baş İdarəsi tərəfindən Qaradağ Rayon İcra Hakimiyyətində genişmiqyaslı əməliyyat keçirilib. Əməliyyat çərçivəsində qurumda aparılan yoxlamalar nəticəsində ciddi qanun pozuntularının aşkarlandığı bildirilir.
Məlumata görə, aparılan araşdırmalar nəticəsində Qaradağ rayon icra başçısının müavini Muradov Nadir Yədulla oğlu saxlanılıb. O, vəzifə səlahiyyətlərindən sui-istifadə etməkdə və korrupsiya xarakterli əməllərdə ittiham olunur.
Məhkəmənin qərarı ilə Nadir Muradov barəsində 4 ay müddətinə həbs-qətimkan tədbiri seçilib. Hazırda istintaq davam edir və cinayət işi üzrə digər şəxslərin də məsuliyyətə cəlb olunub-olunmayacağı araşdırılır.
Rəsmi qurumlar hadisə ilə bağlı əlavə məlumatların ictimaiyyətə təqdim olunacağını bildiriblər.
