Hakim Elnur Nuriyevə Tofiq Yaqublunu məhkəmə prosesindən uzaqlaşdırmaq tapşırığı gəlib.

Mantiyalı dələduzun məhkəmədəki küçə şousu.

Bu gün Tofiq Yaqublunun növbəti məhkəmə prosesi keçirildi. İstintaq materiallarının tədqiqi 3 prosesdir ki, davam edir. Proses dələduz müstəntiq Abdulla Cəlillinin cinayət işində ştatlı üzəduranlar- Elşən Hüseynov və Elnur Məmmədov üçün düzüb-qoşduğu saxta Whatsapp dialoqunun müzakirəsi ilə başladı. Mantiyalı dələduz hakim Elnur Nuriyev dialoqu səsləndirdi. Tofiq Yaqublu bu dialoqun saxta olduğunu ifşa etmək istəyəndə, Elnur Nuriyev biıdirdi ki, siz hər detala bu qədər vaxt sərf etsəniz, biz gərək aylarla bu prosesi davam etdirək. Hakimin bu sərsəmləməsinə cavab olaraq Tofiq Yaqublu bildirdi ki, işinizin-gücünüzün adı nədir ki, indi də aylar çəksin. Siz məni illərlə həbs həyatına məhkum edəcəksiniz. Bu işdə məni bu saxta Whatsapp dialoquna görə həbs ediblər. Suflyor müstəntiq Abdulla Cəlilli bu dialoqu məni həbs etmək üçün əsas dəlil kimi təqdim edib.

“Baxın, bu adam - hakim Elnur Nuriyev 165 ailənin şikayətçi olduğu dələdüz Pənah Kərimovu ev dustaqlığına buraxıb, amma məni saxta ittihamla bir ildən çoxdur ki, həbsdə saxlayır. Siz mənim barədə ədalətli qərar verəcəksiniz? T.Yaqublunu dələduzluqda ittiham etmək elə dələfuzluqdur”.

Elnur Nuriyev: “Siz mənim başqa işlərimə qarışmayın!”

T.Yaqublu: “Əlbəttə, sizə tapşırıq yuxarıdan gəlib. Siz də yuxarıdakılara hesabat verirsiniz ki, T.Yaqublunu şərləmə işini canla-başla görürsünüz. Nədir, siz gözləyirsiniz, tapşırıq verən özü gəlib sizə desin ki, nəyi təsdiq edin, nəyi yox ”.

Bundan sonra T.Yaqublu bir-bir bu dialoqun saxta olduğunu, senarinin dələduz müstəntiq Abdulla Cəlilli tərəfindən yazıldığını, bu dialoqda məntiqi ardəcıllığın olmadığını ifşa etdi. Bu ifşaları ucadan və əsəbi şəkildə dilə gətirən T.Yaqublu üzünü hakim Azər Tağıyevə tutaraq dedi ki, heç olmasa siz diqqətlə qulaq asın, onsuz da o biri hakim malalamaqla məşğuldur. Yenə siz arada qarşı tərəfə suallar verirsiniz. Özünü Femida cəfakeşi kimi aparan mantiyalı dələduz Elnur Nuriyev bundan sonra bütün etik çərçivələri aşaraq özünü tin uşaqları kimi aparmağa başladı. Sanki üzəduran Elnur Məmmədova mantiya geyindirib hakim kürsüsündə oturtmuşdular.

Hakim Elnur Nuriyev: “Mən sizin hər dediyinizi təsdiq edəsi deyiləm”.

T.Yaqublu: “Siz bu vaxta kimi nəyi təsdiq etmisiniz ki? Ancaq Elnurla Elşəni yönləndirməklə, onların yalanlarını malalamaqla məşğulsunuz. Əgər Ermənistandakı məhkəmə azadlığının bir faizi Azərbaycanda olsaydı, mən indi həbsdə yox, azadlıqda olardım”.

Elnur Nuriyev: “Məhkəməyə hörmət edin, özünüzə hörmət edin. Niyə əsəbi və ucadan danışırsınız? Üzünüzü niyə zaldakılara tutub danışırsınız?”

T.Yaqublu: “Özünə hörmət edən adam gəlib məni dələduzluqda ittiham etməz! Sizə onsuz da burada mənim nə deməyim maraqlı deyil. Çünki sizə nə deyəcəklər, gəlib onu da icra edəcəksiniz. Mən bunları bu prosesi izləməyə gələnlərə danışıram ki, onlar həqiqətləri bilsinlər”.

Bundan sonra zalda gərginlik daha da artdı. Zaldakı iştirakçılardan Rövşən bəy hakimə etiraz etdi ki, nə dəxli var, adam üzünü divara tutub danışa da bilər. Bu replikaya bərk əsəbləşən Elnur Nuriyev Rövşən bəyi məhkəmə zalından uzaqlaşdırdı.
Geyindiyi mantiyanın ağırlığı qədər çəkisi olmayan hakim Elnur Nuriyev bütün etik normaları pozaraq özünü küçə adamı kimi aparmağa başladı. Sanki məhkəmədə deyil də, küçədə kiməsə söz deyir. O, bilərəkdən məhkəmədəki auranı gərginləşdirdi ki, onsuzda bu ittihamın şər olduğunu dəfələrlə sübut etməkdən əsəbləri gərilən T.Yaqublunu və haqsızlığı görüb əsəbləri tarıma çəkilmiş proses iştirakçəlarını etiraz etməyə təhrik etsin. Hakimin qeyri-etik davranışlarına etiraz edən Seymur Hezi də məhkəmə prosesindən çıxarıldı.

Tofiq Yaqublunun ifşaları qarşısında aciz qalan və qarşı tərəfin yalanlarını malalamaq imkanları azalan mantiyalı dələduz Elnur Nurouev bundan sonra nə desə yaxşıdır?

“Kim tərbiyəsizlik edərsə, tərbiyəsiz də cavab alacaq”.

T.Yaqublu: “ Ən böyük tərbiyəsizlik məni dələduzluqda, 4-cü dəfə cinayətdə ittiham etməkdir!

İnsan ömrü 2500 il deyil ki, deyim Elnur Nuriyevə görə 5 il də əlavə həbsdə qalım. Adamı neçə dəfə şərləmək olar?Mənim bu gün-sabah 65 yaşım olacaq. Mən niyə ömrümün qalan hissəsini həbsdə keçirməliyəm?”

Elnur Nuriyev: “Sizə xəbərdarlıq edirəm, Tofiq Yaqublu, bir də məhkəməyə hörmətsizlik (üzünüzü zaldakılara tutub danışma) etsəniz, prosesə sizin iştirakınız olmadan davam edəcəm”.

T.Yaqublu: “Siz burada səslənən faktları, ifşaları eşitmək istəmirsiniz deyə, məni prosesdən uzaqlaşdırmaq istəyirsiz. Bu ittihamın sizə, dövlət ittihamçısına, zaldakəlara nə qədər aidiyyatı varsa, mənə də o qədər aidiyyatı var. O pulu alanın da, götürənin də, o pula əli dəyənin də dünyanın ən pis təhqirləri onun ünvanına getsin!

Bu qədər ifşadan sonra sizdə yenə şübhə qalacaqmı ki, bu senarini sarsaq Abdulla düzüb-qoşub?”