USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Daha bir əsgərin odlu silahdan açılmış atəş nəticəsində ölüm xəbəri yayıldı
Müdafiə Nazirliyinin N saylı hərbi hissəsinin hərbi qulluqçusu, əsgər Hüseynov Camal Nizami oğlunun odlu silahdan açılmış atəş nəticəsində həyatını itirdiyi bildirilir.
Hərbi Prokurorluğun mətbuat xidmətinin məlumatında bildirilir ki, ölüm faktı ilə əlaqədar Kəlbəcər Hərbi Prokurorluğuna məlumat daxil olub.
Bu bir ay ərzində qeydə alınan ikinci əsgər ölümüdür.
Ötən ayın 29-da Azərbaycan Ordusunun əsgəri Adil Baxşəli oğlu Baxşəliyevin də Kəlbəcərdəki postda xidmət edərkən güllə yarasından həyatını itirdiyi barədə məlumat verilmişdi.
Əsgərin ailəsi bildirirdi ki, əsgər güllə yarasından ölüb. Yaxınları deyiblər ki, hadisənin üstündən 18 gün keçsə də, Hərbi Prokurorluq hadisə ilə bağlı araşdırma aparmır.
Hərbi Prokurorluqdan isə bildirilmişdi ki, Müdafiə Nazirliyinin N saylı hərbi hissəsinin əsgəri Baxşəliyev Adil Baxşəli oğlunun odlu silahdan atəş açmaqla özünü öldürüb.
