USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rüşvətə görə məhkum edilən xadimə vaxtından əvvəl azadlığa buraxıldı
Lənkəran Rayonlararası Onkoloji Xəstəxanasında xadimə işləyərkən rüşvət almaqda təqsirli bilinən və 8 il müddətinə azadlıqdan məhrum edilən Sələmə Mirzəyeva vaxtından əvvəl həbsdən azad olunub.
Bakı Apellyasiya Məhkəməsinin hakimi Cavid Hüseynin qərarına əsasən, Mirzəyeva cəzasının yarıdan çoxunu çəkib və cəzaçəkmə müəssisəsindən müsbət rəy alıb. Hakim, ərizənin təmin edilməməsi üçün hər hansı əsas olmadığını bildirərək onun azadlığa buraxılması barədə qərar çıxarıb.
Qərara görə, S.Mirzəyeva cəza müddəti bitənədək məntəqə tipli cəzaçəkmə müəssisəsində qeydiyyatda qalacaq. Bu tip müəssisələrdə məhkumlar qanunla müəyyən edilmiş şərtlər daxilində müəssisədən kənarda ola bilirlər.
Xatırladaq ki, Sələmə Mirzəyeva Lənkəran Rayonlararası Onkoloji Xəstəxanasında baş həkimin göstərişi ilə informasiya resurslarına bilərəkdən yalan məlumat daxil etməkdə və digər həkimlərlə birlikdə xəstələrdən rüşvət almaqda ittiham olunmuşdu. Lənkəran Ağır Cinayətlər Məhkəməsinin 2020-ci il tarixli hökmü ilə baş həkim və digər təqsirləndirilən şəxslər də 9 ilə qədər azadlıqdan məhrum edilmişdilər.
